Kielibazari 9.11.2011
Jouččenii!
Ennevahnas argieloksen monis tilandehis oli käytös kaunehii toivotussanoi, kuduat ollah jo läs unohtunnuot. Niilöis aijois ollah tilandehetgi muututtu. Karjalazis kylis elettih lähekkäi, taloit seizottih toine toizen rinnal. Silloi oli siiriči mennes hyvä huikata ”jouččenii” sovanpezos olijale susiedan Muarjale, toivottua pezosovat valgiekse kui jouččenet.
Täs erähii muidu toivotussanoi L’udmila Markianovan kirjutukses ”Midä muamankieli merkiččöy ristikanzale”:
– Lämmät käit voidajale, sanottih vastevai pastettuloin piirualoin voidajale.
– Maido herakse, sanottih toizielpäi lypsäjäle, da sit maido virdai mehunnu.
– Magiet löylyt, pehmiet vastat, toivotettih tuaste kylyh menijöile.
Nygöi ”jouččenil” on vähembi käyttyö. Valgopezot vähetäh. Käzipaikois da odjualan katepiälizis juostah junot da muumit, lennelläh teräsmiehet – kirjavat kukat kukitah. Toinah segasovanpezo-ohjelmua vallites vois pezokonehele toivottua hos ”kirjavukoppuajii”, ”keldučirkoloi”, ”vihandupeiboloi”, ”ruskeipiäčukkeloloi” da ”sinisorzii”. Nenga värit sovis pyzytäh kirkkahinnu eigo valpastuta.
Lopukse toivotus – roikkah iellehpäigi karjalakse uuzii kaunehii toivotussanoi kaikkien ilokse.
Ritva Lampivuo
Lapsile > Pajot
Minä soitan suurel soitol
Vihmu rahvahii kastau,
juostah minule vastah...
Krokodiilu Genan nimipäivypajon
karjalakse kiändi Zinaida Dubinina
Starinat
Ajomatku
Mial da muamal pidi ajua autobusal linnah. Hyö seizottih autobussuazetuksel da vuotettih.
– Minä olen väzynyh, vädžizi Mia.
– Se loppehes terväzeh. Gu vai piäzemmö autobusah, bodrenet ravieh, sanoi muamo.
Terväzeh autobussu tuligi. Hyö nostih sih da istavuttih tuaksepäi. Ku hyö oldih ajettu kodvan, Mia nojai muaman kainaloh da haikosteli, hedi häi uinoigi piä muaman polvel. Sen jälgeh muamo rubei haikostelemah. >>
Kuvan hural puolel ruskeitukkaine tyttö istuu lattiel da sidou kengännuorazii. Hänel on paidu oranziloin da vihandoin junoloinke, da sinizet stanit. Oigiel puolel poigu suorivuu pindžakkoh. Hänen tukat ollah valgiet da pindžakko on harmai. Pindžakon al hänel on fiolettu paidu. Sukat pojal ollah keldazet da stanit vihandat. Heil on valgeimustu jalgumiäččy sendäh, ku hyö lähtietäh miäččyy kižuamah. Piirrä heijän keral vie harmaivalgei koiru. Ristakot
Marjuristakko
Lapsile
Tulosta kuva da väritä
